Inkoranya Y'imigani Migufi Y'ikinyarwanda

Ururimi rw’ikinyarwanda ni rumwe mu ndimi zifite imigani migufi, bamwe bita imigani y’imigenurano myinshi cyane. Icyo kikaba ikimenyetso nta kuka cy’ubwenge n’ubushishozi by’abanyarwanda ba cyera n’abubu ! Imigani migufi rero itwereka imitecyerereze, imyemerere, umuco ndetse n’imiterere y’umuryango nyarwanda muri rusange. Ikibabaje ariko ni uko imigani imwe igenda yibagirana, ndetse n’ururimi rw’Ikinyarwanda akenshi usanga rugenda rutakaza umwimerere warwo, kuko abenshi mu baruvuga, uhereye ku bayobozi, bagenda baruvanga n’izindi ndimi z’amahanga, kubera ubunebwe ugasanga bakoresha amazina y’amatirano, aho guhimba ay’i Kinyarwanda ! Aho niho mpera nemeza ko Abarundi badusize mu gusigasira ururimi rwabo. Mu byukuri, umuntu ugukura ho ururimi rwawe aba akugiriye nabi mu buryo budasubirwa ho, kuko aba akwambuye uwo uri we! Mu gutanga umusanzu wanjye wo kubaka ururimi, rwo shingiro y’umuco gakondo, ikaba n’indangamuntu yaba nyiri ururimi, ntangaje inkoranya y’imigani migufi yose hamwe ikaba ari igihumbi. Iyi nkoranya ntabwo irimo imigani yose. Nashyizemo iyo numvise gusa. Ije kandi yuzuza ikindi gitabo nasohoye cy’Ibirari by’Insigamigani.