Uzura Umwuka Wera

Ikintu gikenewe kurusha ibindi muri ki gihe ni uko umuntu wese warokowe inyanja y'umuriro utazima n'amaraso yamenwe ku musaraba n'Umwami Yesu yuzura Umwuka Wera. Ugushaka nyako k'Umwami ni uko buri mwizera yuzura Umwuka Wera kandi akuzura ubushobozi. Bibiliya igira iti: "Nuko ntimukabe abapfu, ahubwo mumenye icyo Umwami wacu ashaka. Kandi ntimugasinde inzoga zirimo ubukubaganyi, ahubwo mwuzure Umwuka." (Efeso 5:17-18). Umwami ashaka kuzuza abana be Umwuka Wera n'imbaraga zawo.Ategereje kandi ahangayikiye ku bikora. N'ubwo ahangayikishijwe no kubikora, abo ashobora kuzuza gusa ni abarimo ubusa. Abuzuye ibyaha, inarijye, urukundo rw'isi cyangwa ibintu biri mu isi, ntibashobora kuzura Umwuka Wera, kuko basanzwe buzuye ikintu kibi cyangwa ibintu bibi.